National News

قومی خبریں

September 23 2018 swat-post-calendar-nawaz-sharif-returns-the-money-to-the-nation-the-fight-will-end,-fawad-chaudhary

نواز شریف قوم کا پیسہ واپس کر دیں تو لڑائی ختم ہوجائے گی، فواد چوہدری

hello

لاہور: 

 

وفاقی وزیراطلاعات بیرسٹرفواد چوہدری کا کہنا ہے کہ نواز شریف قوم کا پیسہ واپس کر دیں تو لڑائی ختم ہو جائے گی۔

لاہور میں میڈیا سے بات کرتے ہوئے وزیراطلاعات فواد چوہدری کا کہنا تھا کہ موجودہ بلدیاتی نظام آرٹیکل 140 اے کے خلاف ہے، یہ نظام آئین کی بنیادی شرط کو پورا نہیں کرتا، اس کو تبدیل کرنے کی ضرورت ہے، اب بلدیاتی نظام سادہ اور براہ راست ہوگا، ڈسٹرکٹ میئر اور تحصیل میئر کے حوالے سے بھی بات کی گئی ہے،  پنجاب اور کے پی کے کی حکومتوں نے 48 گھنٹے مانگے ہیں۔

 

وفاقی وزیراطلاعات نے کہا کہ شہباز شریف نے لاہور میں اربوں روپے خرچ کیے  لیکن ایک بارش ہی سب کچھ بے نقاب کر دیتی ہے، 8  ارب صرف میٹرو بسوں کو چلانے کے لیے حکومت پنجاب کو دینے پڑتے ہیں، ہم چاہتے ہیں کہ پنجاب میں تحریک انصاف کی حکومت (ن) لیگ سے مختلف ہو، وزیراعظم کی جانب سے وزراء کو ٹارگٹ دئیے جارہے ہیں۔

ان کا کہنا تھا کہ نواز شریف قوم کا پیسہ واپس کر دیں تو لڑائی ختم ہو جائے گی جب کہ ان کا کوئی سیاسی مستقبل نظر نہیں آ رہا۔

فواد چوہدری نے کہا کہ پاکستان اور بھارت دونوں ایٹمی طاقتیں ہیں، پاکستان نے بھارت کو امن کی پیشکش کی لیکن بھارت میں یہ سوچ ہے کہ پاکستان کو کمزور کر کے آگے نکل جائیں گے تو ایسا ممکن نہیں، مودی اندرونی اسکینڈلز میں پھنسے ہوئے ہیں اور وہ اپنے اسکینڈلز سے توجہ ہٹانا چاہتے ہیں۔